純情的花蕊
《純情的花蕊》Sûn-tsîng ê Hue-luí
倖妏Hīng-bûn
——————————————
心內藏著百般滋味
sim-lāi tshàng tio̍h pah-puann tsu-bī
毋知怎樣對你表示
m̄-tsai tsuánn-iūnn tuì lí piáu-sī
窗外的雨水滴
thang-guā ê hōo-tsuí tih
引阮思念情綿綿
ín gún su-liām tsîng mî-mî
陣陣冷風吹心稀微
tsūn-tsūn líng-hong tshue sim hi-bî
今夜我失眠睏袂去
kim-iā guá sit-bîn khùn buē-khì
毋知何時再相見
m̄-tsai hô-sî tsài sann-kìnn
相思紅玫瑰送予你
siunn-si âng muî-kuì sàng hōo lí
代表對你的心意
tāi-piáu tuì lí ê sim-ì
哈啊~青春的
ha-ah~ tshing-tshun ê
純情的花蕊
sûn-tsîng ê hue-luí
遠遠看你
hn̄g-hn̄g khuànn lí
行倚身邊
kiânn uá sin-pinn
心內歡喜
sim-lāi huann-hí
毋敢出喙
m̄-kánn tshut-tshuì
霓虹燈閃閃爍
nî-hông-ting siám-siám-sih
笑阮一人踮城市
tshiò gún tsi̍t-lâng tiàm siânn-tshī
攑頭又閣是月半圓
gia̍h-thâu iū-koh sī gue̍h puànn-înn
今夜我又閣想起你
kim-iā guá iū-koh siūnn-khí lí
心內千言佮萬語
sim-lāi tshian-giân kah bān-gí
相思紅玫瑰送予你
siunn-si âng muî-kuì sàng hōo lí
代表對你的心意
tāi-piáu tuì lí ê sim-ì
哈啊~青春的
ha-ah~ tshing-tshun ê
純情的花蕊
sûn-tsîng ê hue-luí
