臺北月茫茫
《臺北月茫茫》Tâi-pak Gue̍h Bâng-bâng
胡美紅Oô Bí-hông
——————————————
若毋是為著女兒
nā-m̄-sī uī-tio̍h lú-jî
阮也袂來臺北市
gún iā buē lâi Tāi-pak-tshī
你哪通無講半句
lí ná-thang bô kóng puànn-kù
離開阮身邊
lī-khui gún sin-pinn
接著你彼張批信
tsiap-tio̍h lí hit tiunn phue-sìn
一半歡喜一半悲
tsi̍t-puànn huann-hí tsi̍t-puànn pi
看見著滿街全人
khuànn-kìnn tio̍h muá-kue tsuân lâng
又來暗驚疑
iū lâi àm kiann-gî
又閣來想起著你
iū-koh lâi siūnn-khí tio̍h lí
到底為著啥代誌
tàu-tué uī-tio̍h siánn tāi-tsì
算起來
sǹg–khí-lâi
踮在這位
tiàm-tsāi tsit uī
已經有數月日
í-king ū sòo ge̍h-ji̍t
怎樣你也無說明
tsuánn-iūnn lí iā bô sueh-bîng
干焦叫我來揣你
kan-tann kiò guá lâi tshuē lí
踮這个繁華城市
tiàm tsit ê huân-huâ siânn-tshī
你敢會稀微
lí kám ē hi-bî
自彼日你來分離
tsū hit-ji̍t lí lâi hun-lî
每日珠淚流袂離
muí-ji̍t tsu-luī lâu buē-lī
你敢知媽媽
lí kám tsai má-mah
怎樣傷心過日子
tsánn-iūnn siong-sim kuè ji̍t-tsí
沿路問你的所在
iân-lōo mn̄g lí ê sóo-tsāi
冷靜靜的滿街市
líng-tsīng-tsīng ê muá kue-tshī
看見著月色茫茫
khuànn-kìnn tio̍h ge̍h-sik bông-bông
又來暗傷悲
iū lâi àm siong-pi
