港岸送別
《港岸送別》Káng-huānn Sàng-pia̍t
洪佳惠Âng Ka-huī
——————————————
暗風送走著夕陽
àm-hong sàng tsáu tio̍h si̍k-iông
你咱惜別在港岸
lí lán sioh-pia̍t tsāi káng-huānn
雖然離別是勉強
sui-jiân lî-pia̍t sī bián-kióng
出外愛保重
tshut-guā ài pó-tiōng
聽見著船頂鑼聲
thiann-kìnn tio̍h tsûn-tíng lô-siann
深情難捨
tshim-tsîng lân-siá
親像叫出
tshin-tshiūnn kiò-tshut
離愁的心聲
lî-tshiû ê sim-siann
為欲創造咱幸福
uī-beh tshòng-tsō lán hīng-hok
出外愛拍拚
tshut-guā ài phah-piànn
路燈照咱孤單影
lōo-ting tsiò lán koo-tuann iánn
佮你惜別在港岸
kah lí sioh-pia̍t tsāi káng-huānn
這陣寂寞的心情
tsit-tsūn tsi̍k-bo̍k ê sim-tsîng
月娘上知影
gue̍h-niû siōng tsai-iánn
聽見秋夜蟲聲
thiann-kìnn tshiu-iā thâng-siann
一聲又一聲
tsi̍t-siann iū tsi̍t-siann
親像叫出
tshin-tshiūnn kiò-tshut
往日愛的心聲
óng-ji̍t ài ê sim-siann
毋通將阮放袂記
m̄-thang tsiong gún pàng-buē-kì
我是你的人
guá sī lí ê lâng