殘春
《殘春》Tsân-tshun
青春美Tshing-tshun-bí
——————————————
春風陣陣入花園
tshun-hong tīn-tīn ji̍p hue-hn̂g
春花一時芳四方
tshun-hue tsi̍t-sî phang sì-hng
風流迷人失拍算
hong-liû bê-lâng sit phah-sǹg
多情多愛割心腸
to-tsîng to-ài kuah sim-tn̂g
怨阮花開袂結果
uàn gún hue khui buē kiat-kó
煩心把腹無奈何
huân-sim pé-pak bô-nāi-hô
心念彼人通好靠
sim liām hit lâng thang-hó khò
無疑這夢煞來無
bô-gî tsit bāng suah lâi bô
