未完成的愛
《未完成的愛》Bī Uân-sîng ê Ài
林英美Lîm Ing-bí
——————————————
想起初戀彼當時
siūnn-khí tshoo-luân hit-tang-sî
可比月伴星
khó-pí ge̍h phuānn tshinn
無疑環境來分離
bô-gî khuân-kíng lâi hun-lî
每日暗傷悲
muí-ji̍t àm siong-pi
啊~窗外的月光暝
ah~ thang-guā ê ge̍h-kng-mî
喙䫌倚在玻璃邊
tshuì-phué uá tsāi po-lê pinn
目屎是那滴
ba̍k-sái sī ná tih
毋知何時會相見
m̄-tsai hô-sî ē sann-kìnn
怨嘆青春期
uàn-thàn tshing-tshun-kî
目睭金金
ba̍k-tsiu kim-kim
看出去
khuànn–tshut-khì
情歌唱袂止
tsîng-kua tshiùnn buē-tsí
茫茫天頂彼粒星
bông-bông thinn-tíng hit lia̍p tshinn
形影親像伊
hîng-iánn tshin-tshiūnn i
聽見叫阮的名字
thiann-kìnn kiò gún ê miâ-jī
夢中來叫醒
bāng-tiong lâi kiò-tshínn
啊~窗外的月光暝
ah~ thang-guā ê ge̍h-kng-mî
悲戀痛苦心內悲
pi-luân thòng-khóo sim-lāi pi
毋願彼當時
m̄-guān hit-tang-sî
關著心肝的鎖匙
kuinn tio̍h sim-kuann ê só-sî
目屎吞落去
ba̍k-sái thun–lo̍h-khì
純情的人在哪裡
sûn-tsîng ê lâng tsāi ná-lí
遠遠袂相見
hn̄g-hn̄g buē sann-kìnn
戀戀毋捨月光暝
luân-luân m̄-siá ge̍h-kng-mî
夢境映心裡
bāng-kíng ǹg sim-lí
毋願來放予袂記
m̄-guān lâi pàng hōo buē-kì
糖甘佮蜜甜
thn̂g-kam kah bi̍t-tinn
啊~窗外的月光暝
ah~ thang-guā ê ge̍h-kng-mî
愈想愈悲訴哀悲
jú siūnn jú pi sòo ai-pi
只有恨過去
tsí-ū hūn kè-khì
阮是永遠在天邊
gún sī íng-uán tsāi thinn-pinn
望鄉思念伊
bāng hiong su-liām i
何時會得通相見
hô-sî ē-tit-thang sann-kìnn
再會的日子
tsài-huē ê ji̍t-tsí
