今世無緣望來生
《今世無緣望來生》Kim-sè Bô-iân Bāng Lâi-sing
林晏如Lîm Àn-jû
——————————————
明知今世無緣份
bîng-tsai kim-sè bô iân-hūn
偏偏為你來失魂
phian-phian uī lí lâi sit-hûn
夜夜相思到天光
iā-iā siunn-si kàu thinn kng
半夢半醒眠袂穩
puànn-bāng puànn-tshínn bîn buē ún
想以前
siūnn í-tsîng
每日黃昏
muí-ji̍t hông-hun
甜蜜愛情到山崙
tinn-bi̍t ài-tsîng kah suann-lūn
如今寂寞看月雲
jû-kim tsi̍k-bo̍k khuànn gue̍h-hûn
怨嘆薄倖的命運
uàn-thàn po̍k-hīng ê miā-ūn
人講美夢無久長
lâng kóng bí-bāng bô kú-tn̂g
痴情的人苦心悶
tshi-tsîng ê lâng khóo sim-būn
但願來生
tān-guān lâi-sing
緣袂斷
iân buē tn̄g
彌補今世的遺恨
mí-póo kim-sè ê uî-hūn
