心無聲
《心無聲》Sim Bô-siann
沈建豪Sím Kiàn-hô
——————————————
一陣陣冷冷的雨聲
tsi̍t-tsūn-tsūn líng-líng ê hōo-siann
一滴滴滴落咧心肝
tsi̍t-tih-tih tih-lo̍h teh sim-kuann
這種無奈的心情
tsit tsióng bô-nāi ê sim-tsiânn
麻醉咱兩人
bâ-tsuì lán nn̄g-lâng
心碎毋知疼
sim tshuì m̄-tsai thiànn
一句句哀怨的歌聲
tsi̍t-kù-kù ai-uàn ê kua-siann
一字字鑿踮咧心肝
tsi̍t-jī-jī tsha̍k tiàm-teh sim-kuann
歌中寫著
kua-tiong siá tio̍h
你佮我過去的戀夢
lí kah guá kuè-khì ê luân-bāng
如今變成空
jû-kim piàn-sîng khang
心疼無聲
sim thiànn bô-siann
為你受盡折磨
uī lí siū-tsīn tsiat-buâ
心碎無聲
sim tshuì bô-siann
愛你用性命
ài lí iōng sìnn-miā
心哭無聲
sim khàu bô-siann
珠淚滴落心肝
tsu-luī tih-lo̍h sim-kuann
心內的聲
sim-lāi ê siann
只有天知影
tsí-ū thinn tsai-iánn
