千行淚
《千行淚》Tshian-hâng Luī
沈建豪Sím Kiàn-hô
——————————————
一張退色的相片
tsi̍t-tiunn thè-sik ê siòng-phìnn
一跤記念的手指
tsi̍t-kha kì-liām ê tshiú-tsí
如今鎖踮屜內
jû-kim só tiàm thuah-lāi
已經幾若年
í-king kuí-lō nî
甜蜜往事
tinn-bi̍t óng-sū
寫成一本日記
siá sîng tsi̍t-pún ji̍t-kì
一封退回的情批
tsi̍t-hong thè-huê ê tsîng-phue
揣啊揣無住址
tshuē–ah tshuē-bô tsū-tsí
寫滿批紙內
siá buán phue-tsuá lāi
纏綿的情字
tînn-mî ê tsîng-jī
啊~既然愛你
ah~ kì-jiân ài lí
怎樣無勇氣
tsuánn-iūnn bô ióng-khì
用千行淚換啊
iōng tshian-hâng luī uānn–ah
換無你在身邊
uānn bô lí tsāi sin-pinn
用千萬字挽啊
iōng tshian-bān jī bán–ah
挽回不了過去
bán-huê put-liáu kuè-khì
用千萬年換啊
iōng tshian-bān nî uānn–ah
換來日夜的相思
uānn lâi ji̍t-iā ê siunn-si
思念化做天頂的雨水
su-liām huà-tsuè thinn-tíng ê hōo-tsuí
