出外人的心聲
《出外人的心聲》Tshut-guā-lâng ê Sim-siann
良山Liông-san
——————————————
出外人出外人
tshut-guā-lâng tshut-guā-lâng
出外人出外人
tshut-guā-lâng tshut-guā-lâng
–
為著前途來出外
uī-tio̍h tsiân-tôo lâi tshut-guā
心內事無人知影
sim-lāi sū bô-lâng tsai-iánn
無情雨水冷佮寒
bô-tsîng hōo-tsuí líng kah kuânn
忍受霜風凍心肝
jím-siū sng-hong tàng sim-kuann
世事好歹無地看
sè-sū hó-pháinn bô-tè khuànn
面子全是看名聲
bīn-tsú tsuân sī khuànn miâ-siann
啥物代誌我毋驚
siánn-mih tāi-tsì guá m̄-kiann
最驚予人費心情
tsuè kiann hōo-lâng huì sim-tsiânn
希望朋友相疼痛
hi-bāng pîng-iú sio thiànn-thàng
照顧著出外人
tsiàu-kòo tio̍h tshut-guā-lâng
離開故鄉三年外
lī-khui kòo-hiong sann-nî guā
忍耐著一切拖磨
jím-nāi tio̍h it-tshè thua-buâ
啥人願意做弱者
siánn-lâng guān-ì tsuè jio̍k-tsiá
困難有啥好懼怕
khùn-lân ū siánn hó khū-phà
別人有錢有名聲
pa̍t-lâng ū-tsînn ū miâ-siann
何必怨嘆咱的命
hô-pit uàn-thàn lán ê miā
人生總是愛拍拚
jîn-sing tsóng-sī ài phah-piànn
千萬毋通予人驚
tshian-bān m̄-thang hōo-lâng kiann
若欲創造好前程
nā beh tshòng-tsō hó tsiân-thîng
坎坷路我照行
khám-khia̍t lōo guá tsiàu kiânn
