拍拚才有好將來
《拍拚才有好將來》Phah-piànn Tsiah Ū Hó Tsiong-lâi
李慶成Lí Khìng-sîng
——————————————
為前程離開厝內
uī tsiân-tîng lī-khui tshù-lāi
彼時爸母有交代
hit-sî pē-bú ū kau-tài
若失敗
nā sit-pāi
重新再來
tiông-sin tsài lâi
毋通來做歹
m̄-thang lâi tsuè-pháinn
前途是自己安排
tsiân-tôo sī tsū-kí an-pâi
前途是自己安排
tsiân-tôo sī tsū-kí an-pâi
認真拍拚才應該
jīn-tsin phah-piànn tsiah ing-kai
賭著男子氣概
tóo tio̍h lâm-tsú khì-khài
毋驚困難阻礙
m̄-kiann khùn-lân tsóo-gāi
啊~日日拍拚
ah~ ji̍t-ji̍t phah-piànn
才有好將來
tsiah ū hó tsiong-lâi
異鄉的暗風吹來
ī-hiong ê àm-hong tshue–lâi
想起愛人有交代
siūnn-khí ài-jîn ū kau-tài
若成功
nā sîng-kong
毋通囂俳
m̄-thang hiau-pai
來行酒家內
lâi kiânn tsiú-ka lāi
幸福是自己安排
hīng-hok sī tsū-kí an-pâi
幸福是自己安排
hīng-hok sī tsū-kí an-pâi
認真追求才應該
jīn-tsin tui-kiû tsiah ing-kai
成功毋通袂記
sîng-kong m̄-thang buē-kì
失敗彼陣悲哀
sit-pāi hit-tsūn pi-ai
啊~努力奮鬥
ah~ lóo-li̍k hùn-tàu
成功自然來
sîng-kong tsū-jiân lâi
