為愛走千里
《為愛走千里》Uī Ài Tsáu Tshian-lí
李芊慧Lí Tshian-huī
——————————————
千里迢迢路頭遠
tshian-lí tiâu-tiâu lōo-thâu hn̄g
盤山過嶺無歇睏
puânn-suann kuè-niá bô hioh-khùn
為欲揣著心愛郎君
uī-bueh tshuē-tio̍h sim-ài lông-kun
受盡苦楚也著愛吞忍
siū-tsīn khóo-tshóo iā tio̍h-ài thun-lún
一切是命運
it-tshè sī miā-ūn
何必閣怨恨
hô-pit koh uàn-hūn
啊~阮也無需要
ah~ gún iā bô su-iàu
別人同情阮
pa̍t-lâng tông-tsîng gún
光明雖然真可貴
kong-bîng sui-jiân tsin khó-kuì
性命更加有意義
sìnn-miā kìng-ka ū ì-gī
為著心愛彼个伴侶
uī-tio̍h sim-ài hit ê phuānn-lī
兩項總嘛予伊來放棄
nn̄g-hāng tsóng mā hōo i lâi hòng-khì
光明隨風飄
kong-bîng suî hong phiau
性命付流水
sìnn-miā hù liû-suí
啊~受盡了風霜
ah~ siū-tsīn liáu hong-song
為伊走千里
uī i tsáu tshian-lí
