予媽媽一封信
《予媽媽一封信》Hōo Má-mah Tsi̍t-hong Sìn
李芊慧Lí Tshian-huī
——————————————
踮在他鄉咧流浪
tiàm-tsāi thann-hiong teh liû-lōng
實在姑不將
si̍t-tsāi koo-put-tsiong
這毋是我愛放蕩
tse m̄-sī guá ài hòng-tōng
媽媽請原諒
má-mah tshiánn guân-liōng
雖然頭路袂順序
sui-jiân thâu-lōo buē sūn-sī
我也袂悲傷
guá iā buē pi-siong
只有認真來拍拚
tsí-ū jīn-tsin lâi phah-piànn
期待早日成功
kî-thāi tsá-ji̍t sîng-kong
若是達成阮的願望
nā-sī ta̍t-sîng gún ê guān-bōng
一定回故鄉
it-tīng huê kòo-hiong
天色已經近黃昏
thinn-sik í-king kīn hông-hun
加添阮心悶
ka-thiam gún sim būn
思念媽媽情意長
su-liām má-mah tsîng-ì tn̂g
盡寫在批文
tsīn siá tsāi phue-bûn
離開故鄉千里遠
lī-khui kòo-hiong tshian-lí hn̄g
好歹袂齊勻
hó-pháinn buē tsiâu-ûn
對著自己的命運
tuì tio̍h tsū-kí ê miā-ūn
阮也真正認份
gún iā tsin-tsiànn jīn-hūn
等到成功彼个時陣
tán-kàu sîng-kong hit ê sî-tsūn
隨時回家門
suî-sî huê ka-mn̂g
