懷念初戀彼一日
《懷念初戀彼一日》Huâi-liām Tshoo-luân Hit-tsi̍t-ji̍t
吳秀蘭Ngôo Siù-lân
——————————————
五色燈光爍爍
gōo-sik-ting kng sih-sih
省都的暗暝
síng-to ê àm-mî
阮的故鄉臺中市
gún ê kòo-hiong Tâi-tiong-tshī
美麗夜都市
bí-lē iā too-tshī
阮伴伊情意綿綿
gún phuānn i tsîng-ì mî-mî
坐在公園水池邊
tsē tsāi kong-hn̂g tsuí-tî pinn
若想起
nā siūnn-khí
實在趣味
si̍t-tsāi tshù-bī
初戀彼一日
tshoo-luân hit-tsi̍t-ji̍t
電影院初次相見
tiān-iánn-īnn tshoo-tshù sann-kìnn
懷念的彼暝
huâi-liām ê hit-mî
盈暗的月當圓
îng-àm ê ge̍h tng înn
像一面大鏡
tshiūnn tsi̍t-bīn tuā kiànn
阮的故鄉臺中市
gún ê kòo-hiong Tâi-tiong-tshī
愛的文化城
ài ê bûn-huà-siânn
阮伴伊隨心隨意
gún phuānn i suî-sim suî-ì
遊賞愛的青春嶺
iû-siúnn ài ê tshing-tshun-niá
若想起
nā siūnn-khí
真正稀奇
tsin-tsiànn hi-kî
初戀彼一時
tshoo-luân hit tsi̍t-sî
為著情
uī-tio̍h tsîng
真正拍拚
tsin-tsiànn phah-piànn
暗路也毋驚
àm-lōo iā m̄-kiann
希望的戀愛嶺
hi-bāng ê luân-ài-niá
歹勢家己行
pháinn-sè ka-kī kiânn
阮的故鄉臺中市
gún ê kòo-hiong Tâi-tiong-tshī
快樂青春城
khuài-lo̍k tshing-tshun-siânn
阮伴伊一對美妙
gún phuānn i tsi̍t-tuì bí-miāu
永遠不離的形影
íng-uán put-lî ê hîng-iánn
若想起仙份註定
nā siūnn-khí sian-hūn tsù-tiānn
初戀彼一夜
tshoo-luân hit tsi̍t-iā
咱雙人齊聲合唱
lán siang-lâng tsê-siann ha̍p-tshiùnn
青春的歌聲
tshing-tshun ê kua-siann
