思念你一人
《思念你一人》Su-liām Lí Tsi̍t-lâng
冷竹峰Líng-tik-hong
——————————————
夜霧一片白茫茫
iā-bū tsi̍t-phiàn pe̍h-bâng-bâng
四邊烏暗暗
sì-pinn oo-àm-àm
路燈稀微的光線
lōo-ting hi-bî ê kng-suànn
照著我一人
tsiò tio̍h guá tsi̍t-lâng
心內雖然真寂寞
sim-lāi sui-jiân tsin tsi̍k-bo̍k
猶原袂怨嘆
iu-guân buē uàn-thàn
只要你會當幸福
tsí-iàu lí ē-tàng hīng-hok
我就真甘願
guá tiō tsin kam-guān
更深夜靜無人行
kinn tshim iā tsīng bô-lâng kiânn
只有我孤單
tsí-ū guá koo-tuann
遠遠傳來吉他聲
hn̄g-hn̄g thuân-lâi gì-tah siann
擾亂我心肝
jiáu-luān guá sim-kuann
思思念念你一人
su-su-liām-liām lí tsi̍t-lâng
毋知變按怎
m̄-tsai piàn án-tsuánn
祈禱你永遠快樂
kî-tó lí íng-uán khuài-lo̍k
身體真勇健
sin-thé tsin ióng-kiānn
