等君規半暝
《等君規半暝》Tán Kun Kui Puànn-mî
西卿Se-khing
——————————————
約會日黃昏
iok-huē ji̍t hông-hun
伊怎樣無來
i tsuánn-iūnn bô lâi
予阮空等待
hōo gún khang tán-thāi
到底是為啥代
tàu-tué sī uī siánn tāi
橋跤的水面
kiô-kha ê tsuí-bīn
浮出著月眉
phû-tshut tio̍h ge̍h-bâi
對阮啊笑咍咍
tuì gún–ah tshiò-hai-hai
一定是笑阮真戇呆
it-tīng sī tshiò gún tsin gōng-tai
心茫茫無主裁
sim bâng-bâng bô tsú-tshâi
恐驚對阮啊
khióng-kiann tuì gún–ah
變情愛
piàn tsîng-ài
等到天光猶未來
tán-kàu thinn-kng iáu-buē lâi
初戀在橋邊
tshoo-luân tsāi kiô-pinn
伊講著情話
i kóng-tio̍h tsîng-uē
伴阮賞明月
phuānn gún siúnn bîng-ge̍h
手握手來立誓
tshiú ak-tshiú lâi li̍p-sè
宛然彼一暝
uán-jiân hit tsi̍t-mî
春風對面吹
tshun-hong tuì bīn tshue
吹阮啊開心花
tshue gún–ah khui sim-hue
有心來擋阮心痴迷
ū-sim lâi tòng gún sim tshi-bê
放捒著心怨慼
pàng-sak tio̍h sim uàn-tsheh
互相信賴啊無問題
hōo-siong sìn-nāi–ah bô būn-tuê
兩人永遠袂反背
nn̄g-lâng íng-uán buē huán-puē
兩人永遠袂反背
nn̄g-lâng íng-uán buē huán-puē
兩人永遠袂反背
nn̄g-lâng íng-uán buē huán-puē
