春雨茫茫
《春雨茫茫》Tshun-ú Bông-bông
西卿Se-khing
——————————————
春天的小雨毛毛
tshun-thinn ê sió-hōo mn̂g-mn̂g
沃澹著彼條路
ak-tâm tio̍h hit tiâu lōo
咱兩人談情說愛
lán nn̄g-lâng tâm-tsîng sueh-ài
做陣來散步
tsuè-tīn lâi sàn-pōo
為怎樣彼日
uī-tsuánn-iūnn hit-ji̍t
表現青春的熱度
piáu-hiān tshing-tshun ê jia̍t-tōo
阮今日走來怨恨伊
gún klim-ji̍t tsáu lâi uàn-hūn i
將阮青春來耽誤
tsiong gún tshing-tshun lâi tam-gōo
看雨水心頭又亂紛紛
khuànn hōo-tsuí sim-thâu iū luān hun-hun
目屎親像落雨
ba̍k-sái tshin-tshiūnn lo̍h-hōo
今日又小雨毛毛
kim-ji̍t iū sió-hōo mn̂g-mn̂g
沃澹著阮一人
ak-tâm tio̍h gún tsi̍t-lâng
徘徊著這條小路
pâi-huê tio̍h tsit tiâu sió-lōo
毋管雨水凍
m̄-kuán hōo-tsuí tàng
雖然是已經
sui-jiân sī í-king
失去青春的希望
sit-khì tshing-tshun ê hi-bāng
阮偏偏又來懷念著
gún phian-phian iū lâi huâi-liām tio̍h
初戀情形心茫茫
tshoo-luân tsîng-hîng sim bâng-bâng
雨水聲帶來？？？？
hōo-tsuí siann tài-lâi? ? ? ?
加添滿腹痛苦
ka-thiam muá-pak thòng-khóo
昔日的小雨毛毛
sik-ji̍t ê sió-hōo mn̂g-mn̂g
造成著咱熱情
tsō-sîng tio̍h lán jia̍t-tsîng
今日又小雨毛毛
kim-ji̍t iū sió-hōo mn̂g-mn̂g
替阮抱不平
thè gún phāu-put-phîng
為怎樣純真情愛
uī-tsuánn-iūnn sûn-tsin tsîng-ài
男性袂分明
lâm-sìng buē hun-bîng
阮已經被伊來辜負
gún í-king pī i lâi koo-hū
傷心哪有啥路用
siong-sim ná-ū siánn lōo-īng
等雨水過了後彼時陣
tán hōo-tsuí kè liáu-āu hit sî-tsūn
才來再揣前程
tsiah lâi tsài tshuē tsiân-thîng
