情花滿開
《情花滿開》Tsîng-hue Muá-khui
西卿Se-khing
——————————————
春風吹來百花開
tshun-hong tshue–lâi pah-hue khui
河邊樹葉真青翠
hô-pinn tshiū-hio̍h tsin tshinn-tshuì
蝴蝶飛來弄花蕊
ôo-tia̍p pue–lâi lāng hue-luí
鴛鴦水鴨成雙對
uan-iunn tsuí-ah sîng-siang-tuì
心愛的我愛你
sim-ài–ê guá ài lí
毋願佮你拆分開
m̄-guān kah lí thiah hun-khui
誠心誠意來做伴侶
sîng-sim sîng-ì lâi tsuè phuānn-lī
相親相愛行相隨
siong-tshin siong-ài kiânn sio-suî
春風陣陣送芳味
tshun-hong tsūn-tsūn sàng phang-bī
雙雙對對笑微微
siang-siang tuì-tuì tshiò bî-bî
唱出歌聲甘又甜
tshiùnn-tshut kua-siann kam iū tinn
句句綿綿動人耳
kù-kù mî-mî tōng lâng hīnn
心愛的我愛你
sim-ài–ê guá ài lí
真心真意來表示
tsin-sim tsin-ì lâi piáu-sī
你來答應我做伴侶
lí lâi tah-ìng guá tsuè phuānn-lī
我的心內暗歡喜
guá ê sim-lāi àm huann-hí
