青春嶺
《青春嶺》Tshing-tshun-niá
王福Ông Hok
秀鑾Siù-luân
——————————————
雙人行到青春嶺
siang-lâng kiânn kàu tsheng-tshun-niá
鳥隻唸歌送人行
tsiáu-tsiah liām-kua sàng lâng kiânn
溪水清清照花影
khe-tsuí tsheng-tsheng tsàu hue-iánn
天然合奏音樂聲
thian-jiân ha̍p-tsàu im-ga̍k-siann
啊~青春嶺
ah~ tshing-tshun-niá
青春嶺頂自由行
tshing-tshun-niá tíng tsū-iû kiânn
嶺頂春花青紅蕊
niá-tíng tshun-hue tshinn-âng luí
歡喜春天放心開
huann-hí tshun-thinn hòng-sim khui
蝴蝶賞花真正媠
ôo-tia̍p siúnn-hue tsin-tsiànn suí
花蜂自由亂亂飛
hue-phang tsū-iû luān-luān hui
啊~青春嶺
ah~ tshing-tshun-niá
青春嶺頂自由行
tshing-tshun-niá tíng tsū-iû kiânn
春風微微吹嶺頂
tshun-hong bî-bî tshue niá-tíng
四邊無雲天清清
sì-pinn bô hûn thinn tsheng-tshing
青春歡迎春天景
tshing-tshun huan-gêng tshun-thinn kíng
春色加添咱愛情
tshun-sik ka-thiam lán ài-tsîng
啊~青春嶺
ah~ tshing-tshun-niá
青春嶺頂自由行
tshing-tshun-niá tíng tsū-iû kiânn
