夜霧的都市
《夜霧的都市》Iā-bū ê Too-tshī
方瑞娥Png Suī-ngôo
——————————————
今仔日也罩雺霧
kia̋nn-ji̍t iā tà bông-bū
罩在阮身邊
tà tsāi gún sin-pinn
忍耐著鹹酸苦味
jím-nāi tio̍h kiâm-sng khóo-bī
流浪到都市
liû-lōng kàu too-tshī
都市的薰酒味
too-tshī ê hun-tsiú bī
害阮心情袂輕鬆
hāi gún sim-tsîng buē khin-sang
這毋是我的心內
tse m̄-sī guá ê sim-lāi
這毋是我的心內
tse m̄-sī guá ê sim-lāi
啊~理想的都市
ah~ lí-sióng ê too-tshī
徘徊在夜都市
pâi-huê tsāi iā too-tshī
堅心揣希望
kian-sim tshuē hi-bāng
環境來造成著阮
khuân-kíng lâi tsō-sîng tio̍h gún
變成流浪人
piàn-sîng liû-lōng lâng
吉他聲叮噹噹
gì-tah siann tin-tang-tang
叫阮心情放輕鬆
kiò gún sim-tsîng pàng khin-sang
但是我忍耐袂住
tān-sī guá jím-nāi buē-tsū
但是我忍耐袂住
tān-sī guá jím-nāi buē-tsū
啊~猶原目箍紅
ah~ iu-guân ba̍k-khoo âng
在世間敢有人
tsāi sè-kan kám ū-lâng
無愛慕虛榮
bô ài-bōo hi-îng
看人人踏著機會
khuànn lâng-lâng ta̍h-tio̍h ki-huē
行路有精神
kiânn-lōo ū tsing-sîn
親像我流浪兒
tshin-tshiūnn guá liû-lōng-jî
毋知何時出頭天
m̄-tsai hô-sî tshut-thâu-thinn
使人會傷心淚滴
sú-lâng ē siong-sim luī tih
使人會傷心淚滴
sú-lâng ē siong-sim luī tih
啊~暗淡的人生
ah~ àm-tām ê jîn-sing
