再會啦妹妹啊
《再會啦妹妹啊》Tsài-huē–lah Muē-muē–ah
文川Bûn-tshuan
——————————————
再會啦妹妹啊
tsài-huē–lah muē-muē–ah
今日就欲來分離
kim-ji̍t tsiū beh lâi hun-lî
請你著愛保重
tshiánn lí tio̍h-ài pó-tiōng
忍耐毋通珠淚滴
jím-nāi m̄-thang tsu-luī tih
踮在他鄉
tiàm-tsāi thann-hiong
我也時常
guá iā sî-siông
會來寫批安慰你
ē lâi siá-phue an-uì lí
期待著將來美夢
kî-thāi tio̍h tsiong-lâi bí-bāng
毋通暗傷悲
m̄-thang àm siong-pi
再會啦妹妹啊
tsài-huē–lah muē-muē–ah
你來對我的情義
lí lâi tuì guá ê tsîng-gī
我每日在心內
guá muí-ji̍t tsāi sim-lāi
永遠無來放袂記
íng-uán bô lâi pàng-buē-kì
咱來分離也是暫時
lán lâi hun-lî iā-sī tsiām-sî
毋免三年抑五年
m̄-bián sann-nî ia̍h gōo-nî
請你來現著笑容
tshiánn lí lâi hiàn tio̍h tshiò-iông
送阮離鄉里
sàng gún lî hiunn-lí
再會啦妹妹啊
tsài-huē–lah muē-muē–ah
爸爸媽媽的代誌
pá-pah má-mah ê tāi-tsì
希望你愛小心
hi-bāng lí ài sió-sim
對伊老人愛致意
tuì i lāu-lâng ài tì-ì
雖然心情感覺稀微
sui-jiân sim-tsîng kám-kak hi-bî
請你快樂過日子
tshiánn lí khuài-lo̍k kuè ji̍t-tsí
桃花若欲開彼時
thô-hue nā beh khui hit-sî
我會轉鄉里
guá ē tńg hiunn-lí
