等君一年又一年
《等君一年又一年》Tán Kun Tsi̍t-nî Iū Tsi̍t-nî
丁玲Ting Lîng(林秀珠Lîm Siù-tsu)
王麗華Ông Lē-huâ
——————————————
看著鴻雁飛轉來
khuànn-tio̍h hông-gān pe–tńg-lâi
目屎澹目墘
ba̍k-sái tâm ba̍k-kînn
阿君做人真無情
a-kun tsuè-lâng tsin bô-tsîng
放阮心空虛
pàng gún sim khang-hi
啊~句句情話糖蜜甜
ah~ kù-kù tsîng-uē thn̂g-bi̍t-tinn
叫阮空等又一年
kiò gún khang tán iū tsi̍t-nî
↓↓(口白)—(口白)—(口白)↓↓
舊年的秋天
kū-nî ê tshiu-thinn
飛去別位的鴻雁
pue khì pa̍t-uī ê hông-gān
也已經轉來囉
iā í-king tńg–lâi looh
為啥物你一去
uī-sí-mih lí it-khì
就攏毋知影通轉來咧
tō lóng m̄ tsai-iánn thang tńg–lâi leh
離別彼時的情景
lî-pia̍t hit-sî ê tsîng-kíng
宛然在目前
uán-jiân tsāi ba̍k-tsîng
你拭著我的目屎
lí tshit tio̍h guá ê ba̍k-sái
講著甘蜜的話
kóng-tio̍h kam-bi̍t ê uē
啊!為啥物
ah! uī-siánn-mi̍h
你予我一年等過一年咧
lí hōo guá tsi̍t-nî tán kuè tsi̍t-nî–leh
↑↑(口白)—(口白)—(口白)↑↑
開著紗窗有看見
khui tio̍h se-thang ū khuànn-kìnn
天星伴月圓
thinn-tshinn phuānn ge̍h-înn
阿君今夜在佗位
a-kun kim-iā tsāi tó-uī
引阮怨規暝
ín gún uàn kui-mî
啊~彼頂眠床冷吱吱
ah~ hit tíng bîn-tshn̂g líng-ki-ki
伴阮空等又一年
phuānn gún khang tán iū tsi̍t-nî
↓↓(口白)—(口白)—(口白)↓↓
你時常陪伴我
lí sî-siông puê-phuānn guá
踮在紗窗邊賞月
tiàm-tsāi se-thang pinn siúnn-gue̍h
輕聲細說愛情話
khin-siann sè-sueh ài-tsîng uē
講到三更半暝
kóng kah sann-kinn-puànn-mî
我來並在你的身邊
guá lâi phīng tsāi lí ê sin-pinn
暗中來流出
àm-tiong lâi lâu-tshut
歡喜的目屎
huann-hí ê ba̍k-sái
啊!彼个時陣的情形
ah! hit ê sî-tsūn ê tsîng-hîng
想袂到
siūnn bē-kàu
今仔日會遮爾稀微
kin-á-ji̍t ē tsiah-nī hi-bî
遮爾怨嘆啦
tsiah-nī uàn-thàn–lah
↑↑(口白)—(口白)—(口白)↑↑
聽著雞公咧叫啼
thiann-tio̍h kue-kang teh kiò-thî
眠夢來拍醒
bîn-bāng lâi phah-tshínn
阿君因何
a-kun in-hô
夜夜來對阮笑微微
iā-iā lâi tuì gún tshiò bî-bî
啊~昔日情絲斷袂離
ah~ sik-ji̍t tsîng-si tn̄g buē-lī
害阮空等又一年
hāi gún khang tán iū tsi̍t-nî
