樹頂的鳥仔聲
《樹頂的鳥仔聲》Tshiū-tíng ê Tsiáu-á siann
謝雷Siā Luî
——————————————
樹頂的鳥隻
tshiū-tíng ê tsiáu-tsiah
嗤嗤嗤嗤啾啾
tsi-tsi tsi-tsi tsiù-tsiù
嗤嗤啾啾唱歌詩
tsi-tsi tsiù-tsiù tshiùnn kua-si
青翠的樹葉
tshinn-tshuì ê tshiū-hio̍h
爍爍爍爍沙沙
sih-sih sih-sih sua-sua
爍爍沙沙心輕鬆
sih-sih sua-sua sim khin-sang
迎接溫柔春風微微
gîng-tsiap un-jiû tshun-hong bî-bî
溫暖著
un-luán tio̍h
阮的心空虛
gún ê sim khang-hi
樹頂的鳥隻
tshiū-tíng ê tsiáu-tsiah
嗤嗤嗤嗤啾啾
tsi-tsi tsi-tsi tsiù-tsiù
嗤嗤啾啾唱歌詩
tsi-tsi tsiù-tsiù tshiùnn kua-si
青翠的樹葉
tshinn-tshuì ê tshiū-hio̍h
爍爍爍爍沙沙
sih-sih sih-sih sua-sua
爍爍沙沙心輕鬆
sih-sih sua-sua sim khin-sang
挽回男性愛的心情
bán-huê lâm-sìng ài ê sim-tsîng
射對純情
siā tuì sûn-tsîng
理想好伴侶
lí-sióng hó phuānn-lī
閣再怨嘆
koh-tsài uàn-thàn
猶原無奈
iu-guân bô-nāi
放捒失戀的心悲哀
pàng-sak sit-luân ê sim pi-ai
