我袂閣為你酒醉
《我袂閣為你酒醉》Guá Buē Koh Uī Lí Tsiú-tsuì
謝雷Siā Luî
——————————————
毋知是為著啥物
m̄-tsai sī uī-tio̍h siánn-mih
愛情煞變成無味
ài-tsîng suah piàn-sîng bô-bī
毋知是為著啥物
m̄-tsai sī uī-tio̍h siánn-mih
變成我袂當了解你
piàn-sîng guá buē-tàng liáu-kái lí
你講咱莫閣提起
lí kóng lán mài koh thê-khí
你叫我將你放袂記
lí kiò guá tsiong lí pàng-buē-kì
過去的一點一滴
kuè-khì ê tsi̍t-tiám-tsi̍t-tih
你講就到遮為止
lí kóng tsiū kàu tsia uî-tsí
這款無你的日子
tsit khuán bô lí ê ji̍t-tsí
心內完全無準備
sim-lāi uân-tsuân bô tsún-pī
這款心碎的滋味
tsit khuán sim-tshuì ê tsu-bī
才知無值著愛你
tsiah tsai bô ta̍t-tio̍h ài lí
堂堂的一个男兒
tông-tông ê tsi̍t-ê lâm-jî
敢講遐爾無勇氣
kám-kóng hiah-nī bô ióng-khì
從今以後的日子
tsiông-kim í-āu ê ji̍t-tsí
我袂閣為你酒醉
guá buē koh uī lí tsiú-tsuì
