惜別港岸
《惜別港岸》Sioh-pia̍t Hái-huānn
謝雷Siā Luî
劉福助Lâu Hok-tsōo
——————————————
希望你毋通悲傷
hi-bāng lí m̄-thang pi-siong
咱來離開是暫時
lán lâi lī-khui sī tsiām-sî
原諒我是行船人
guân-liōng guá sī kiânn-tsûn-lâng
海上的男兒
hái-siōng ê lâm-jî
才著放你寂寞過日
tsiah tio̍h pàng lí tsi̍k-bo̍k kè-ji̍t
總也是不得已
tsóng iā-sī put-tik-í
毋好誤會我薄情
m̄-hó gōo-huē guá po̍k-tsîng
船螺聲
tsûn-lê siann
猶原含帶著心哀悲
iu-guân hâm-tài tio̍h sim ai-pi
彼一暗踮在舞廳
hit tsi̍t-àm tiàm-tsāi bú-thiann
咱雙人結情義
lán siang-lâng kiat tsîng-gī
明知我是行船人
bîng-tsai guá sī kiânn-tsûn-lâng
海上的男兒
hái-siōng ê lâm-jî
你也對我純情表示
lí iā tuì guá sûn-tsîng piáu-sī
歡喜來做伴侶
huann-hí lâi tsuè phuānn-lī
毋好流著傷心淚
m̄-hó lâu tio̍h siong-sim luī
你應該相信
lí ìng-kai siong-sìn
我袂來辜負你
guá buē lâi koo-hū lí
請等待毋通悲傷
tshiánn tán-thāi m̄-thang pi-siong
咱來忍耐心稀微
lán lâi jím-nāi sim hi-bî
雖然我是行船人
sui-jiân guá sī kiânn-tsûn-lâng
海上的男兒
hái-siōng ê lâm-jî
猶原期待早日轉來
iu-guân kî-thāi tsá-ji̍t tńg-lâi
心愛的你身邊
sim-ài–ê lí sin-pinn
毋好閣再來懷疑
m̄-hó koh-tsài lâi huâi-gî
像海鳥對對
tshiūnn hái-tsiáu tuì-tuì
伴相隨不分離
phuān-sio-suî put hun-lî
