港邊惜別
《港邊惜別》Káng-pinn Sioh-pia̍t
詞：陳達儒 Tân Ta̍t-jû
曲：吳成家 Ngôo Sîng-ka
謝銘祐Siā Bîng-iū
——————————————
戀愛夢 luân-ài bāng
予人來拆破 hōo-lâng lâi thiah-phuà
送君離別啊 sàng kun lī-pia̍t–ah
港風對面寒 káng-hong tuì bīn kuânn
真情真愛 tsin-tsîng tsin-ài
爸母無開化 pē-bú bô khai-huà
毋知少年啊 m̄-tsai siàu-liân–ah
熱情的心肝 jia̍t-tsîng ê sim-kuann
自由夢 tsū-iû bāng
予人來所害 hōo-lâng lâi sóo hāi
快樂袂透啊 khuài-lo̍k buē thàu–ah
隨時變悲哀 suî-sî piàn pi-ai
港邊惜別 káng-pinn sioh-pia̍t
天星像目屎 thinn-tshinn tshiūnn ba̍k-sái
傷心今暝啊 siong-sim kim-mî–ah
欲來分東西 beh lâi hun tang-sai
青春夢 tshing-tshun bāng
予人來拍醒 hōo-lâng lâi phah-tshínn
美滿春色啊 bí-buán tshun-sik–ah
變成烏陰天 piàn-sîng oo-im-thinn
港邊海鳥 káng-pinn hái-tsiáu
毋知阮分離 m̄-tsai gún hun-lī
聲聲句句啊 siann-siann kù-kù–ah
吟出斷腸詩 gîm tshut tuān-tn̂g-si
