請你恬恬聽
《請你恬恬聽》Tshiánn Lí Tiām-tiām Thiann
方瑞娥Png Suī-ngôo
——————————————
你恬恬聽
lí tiām-tiām thiann
唷!
iooh!
啊毋通驚
ah m̄-thang kiann
袂喔!
buē–ooh!
我共你講一句
guá kā lí kóng tsi̍t-kù
講啥物
kóng siánn-mih?
講一句真
kóng tsi̍t-kù tsin
嘿!
heh!
彼號閣彼
hit-lō koh he
嗯!
ngh!
真彼號的代誌
tsin hit-lō ê tāi-tsì
喔~緊講嘛!
ooh~ kín kóng–mah
講我咧欲揣一个
kóng guá teh beh tshē tsi̍t-ê
最理想的男兒
tsuè lí-sióng ê lâm-jî
叫伊著請阮
kiò i tio̍h tshiánn gún
來去看電影
lâi-khì khuànn tiān-iánn
黃昏時做陣來去
hông-hun sî tsuè-tīn lâi-khì
散步行街路
sàn-pōo kiânn kue-lōo
閣紲落去
koh suà–lo̍h-khì
嗯!
ngh!
的時陣爾爾
ê sî-tsūn niā-niā
叫伊買物送我
kiò i bé mi̍h sàng guá
嘿~真敢死
heh~ tsin kánn-sí!
你毋通走
lí m̄-thang tsáu
唷!
iooh!
閣恬恬聽
koh tiām-tiām thiann
好嘛!
hó–mah!
啊毋通四界講
ah m̄-thang sì-kuè kóng
免驚啦!
bián-kiann–liah!
我共你講
guá kā lí kóng
嘿!
heh!
彼號閣彼
hit-lō koh he
嗯!
ngh!
真彼號的代誌
tsin hit-lō ê tāi-tsì
啊~免囉嗦! 啥代誌
ah~ bián lo-so! siánn tāi-tsì?
講我咧欲愛的人
kóng guá teh beh ài ê lâng
啊毋知是啥人
ah m̄-tsai sī siánn-lâng
你若是捌伊
lí nā-sī bat i
著來報阮知
tio̍h lâi pò gún tsai
阮兜是踮在彼爿
gún tau sī tiàm-tsāi hit-pîng
某某的後面
bóo-bóo ê āu-bīn
你若毋知
lí nā m̄-tsai
嗯!
ngh!
的時陣爾爾
ê sî-tsūn niā-niā
無必要來揣我
bô pit-iàu lâi tshē guá
欸~真無誠意!
eh~ tsin bô sîng-ì!
你恬恬聽
lí tiām-tiām thiann
唷!
iooh!
啊毋通驚
ah m̄-thang kiann
袂啦
buē–lah
我共你講實在
guá kā lí kóng si̍t-tsāi
偌實在
guā si̍t-tsāi?
講實在真
kóng si̍t-tsāi tsin
嘿!
heh!
彼號閣彼
hit-lō koh he
嗯!
ngh!
真彼號的代誌
tsin hit-lō ê tāi-tsì
好!緊講嘛!
hó! kín kóng–mah
講我咧欲揣一个
kóng guá teh beh tshē tsi̍t-ê
最勇敢的男兒
tsuè ióng-kám ê lâm-jî
約束去公園邊搧東風
iok-sok khì kong-hn̂g pinn siàn tang-hong
予阮來試驗看伊
hōo gún lâi tshì-giām khuànn i
愛情的熱度
ài-tsîng ê jia̍t-tōo
試袂及格
tshì bē ki̍p-keh
嗯!
ngh!
的時陣爾爾
ê sî-tsūn niā-niā
請原諒再會啦
tshiánn guân-liōng tsài-huē–lah
欸~騙痟的!
eh~ phiàn siáu–ê!
