無聊一陣雨
《無聊一陣雨》Bô-liâu Tsi̍t-tsūn Hōo
王瑞升Ông Suī-sing
——————————————
無聊無聊的一陣雨
bô-liâu bô-liâu ê tsi̍t-tsūn hōo
已經落甲規下晡
í-king lo̍h kah kui ē-poo
一點一滴
tsi̍t-tiám-tsi̍t-tih
是我的思慕
sī guá ê su-bōo
為你傷情心煩惱
uī lí siong-tsîng sim huân-ló
敢講你全然無帶念
kám-kóng lí tsuân-jiân bô tài-liām
帶念咱的彼當初
tài-liām lán ê hit-tong-tshoo
人生放我一人咧糊塗
jîn-sing pàng guá tsi̍t-lâng teh hôo-tôo
目屎滴甲澹糊糊
ba̍k-sái tih kah tâm-kôo-kôo
但願委屈佮創傷
tān-guān uí-khut kah tshong-siong
今後變成一陣風
kim-āu piàn-sîng tsi̍t-tsūn hong
這款戀情太離譜
tsit khuán luân-tsîng thài lī-phóo
有你若親像無
ū lí ná-tshin-tshiūnn bô
既然挽回是無法度
kì-jiân bán-huê sī bô-huat-tōo
閣再講也是加囉嗦
koh-tsài kóng iā-sī ke lo-so
雖然寂寞空虛滿心槽
sui-jiân tsi̍k-bo̍k khang-hi muá sim-tsô
決心決心覺悟
kuat-sim kuat-sim kak-gōo
毋願為愛受苦
m̄-guān uī ài siū-khóo
