愛河傷心淚
《愛河傷心淚》Ài-hô Siong-sim Luī
田青平Tiân Tshing-pîng
歐雲龍Au Hûn-liông(口白)
——————————————
行到愛河邊
kiânn kàu Ài-hô pinn
月色光微微
gue̍h-sik kng bî-bî
想起初戀當時
siūnn-khí tshoo-luân tong-sî
河邊更深靜
hô-pinn kinn-tshim tsīng
成雙成對白鷺
sîng-siang sîng-tuì pe̍h-lōo
雙雙飛過去
siang-siang pue–kuè-khì
啊~只有你我
ah~ tsí-ū lí guá
毋願輕分離
m̄-guān khin hun-lî
↓↓(口白)—(口白)—(口白)↓↓
愛情的熱度
ài-tsîng ê jia̍t-tōo
一度超過一度
tsi̍t-tōo tshiau-kuè tsi̍t-tōo
親像咱兩个
tshin-tshiūnn lán nn̄g-ê
相?去臺北新公園
sio-tshuā khì Tâi-pak Sin-kong-hn̂g
北投草山去散步
Pak-tâu Tsháu-suann khì sàn-pōo
坐落一台的ハイヤー
tsē lo̍h tsi̍t-tâi ê hài-iah(hire, hired car)
駛落アスベルク的打馬膠路
sái lo̍h asuberuku(?) ê tá-má-ka-lōo
來到半路
lâi-kàu puànn-lōo
後輪煞來パンク
āu-lián suah lâi phàng-kuh(punctured)
起慼
khí-tsheh
煞著來行路
suah to̍h lâi kiânn-lōo
一步閣一步
tsi̍t-pōo koh tsi̍t-pōo
行到著一欉的樹跤
kiânn kàu to̍h tsi̍t-tsông ê tshiū-kha
咱兩个人
lán nn̄g-ê lâng
也煞來談情說愛
iā suah lâi tâm-tsîng suat-ài
說到日頭黃昏
suat kàu ji̍t-thâu hông-hun
月娘欲出來的時
ge̍h-niû beh tshut-lâi ê sî
咱也當天來咒誓
lán iā tng thinn lâi tsiù-tsuā
你無嫁閣我毋娶
lí bô kè koh guá m̄ tshuā
無論海水會焦
bô-lūn hái-tsuí ē ta
石頭會爛
tsio̍h-thâu ē nuā
杜蚓仔生目睭
tōo-kún-á sinn ba̍k-tsiu
鐵樹會開花
thih-tshiū ē khui-hue
水雞發喙鬚
suí-kue huat tshuì-tshiu
咱也當天來摔破
lán iā tng thinn lâi siak-phuà
卌八个鍋仔蓋啦
siap-pueh ê e-á kuà–lah
↑↑(口白)—(口白)—(口白)↑↑
淒涼的港風
tshe-liâng ê káng-hong
吹過阮胸前
tshue kuè gún hing-tsîng
思念熱戀當時
su-liām jia̍t-luân tong-sî
雙人好情意
siang-lâng hó tsîng-ì
怨恨你薄情義
uàn-hūn lí po̍k tsîng-gī
像花開隨謝
tshiūnn hue khui suî siā
啊~只有河水
ah~ tsí-ū hô-tsuí
引阮苦傷悲
ín gún khóo siong-pi
↓↓(口白)—(口白)—(口白)↓↓
無疑悟
bô-gî-gōo
第二次世界大戰
tē-jī-tshù sè-kài-tāi-tsiàn
大東亞戰爭
Tāi-tang-a tsiàn-tsing
為著軍伕
uī-tio̍h kun-hu
就去新加坡三年外
tsiū khì Sin-ka-pho sann-nî guā
一下光復了後
tsi̍t-ē kong-ho̍k liáu-āu
來到ジアパニース的所在
lâi-kàu Japanese ê sóo-tsāi
直接坐著ブルース的汽船
ti̍t-tsiap tsē tio̍h Blues ê khì-tsûn
漸漸親近著祖國的基隆港
tsiām-tsiām tshin-kīn tio̍h tsóo-kok ê Ke-lâng-káng
一下落船了後
tsi̍t-ē lo̍h-tsûn liáu-āu
趕緊搭著
kuánn-kín tah-tio̍h
十點閣五分夜行快車
tsa̍p-tiám koh gōo-hun ê iā-hîng khuài-tshia
一夜轉來到著我的故鄉
tsi̍t-iā tńg-lâi kàu-to̍h guá ê kòo-hiong
一下共探聽起來
tsi̍t-ē kā thàm-thiann–khí-lâi
啊~你閣一个囡仔兩歲外
ah~ lí koh tsi̍t-ê gín-á nn̄g-huè guā
而且腹肚
jî-tshiánn pak-tóo
閣佇咧漸漸大
koh tī-eh tsiām-tsiām tuā
啊~我知啦
ah~ guá tsai–lah
大概我去新加坡
tāi-khài guá khì Sin-ka-pho
無偌久
bô-guā-kú
你就來移花別戀矣乎
lí tsiū lâi î-hua pia̍t-luân–ah, honnh?
這款的女性
tsit khuán ê lú-sìng
哪會叫我袂憤慨咧
ná-ē kiò guá buē hùn-khài–leh
↑↑(口白)—(口白)—(口白)↑↑
快樂的這時
khuài-lo̍k ê tsit-sî
隨光陰消失
suî kong-im siau-sit
留落滿身戀痕
lâu lo̍h muá-sin luân-hûn
深刻割心腸
tshim-khik kuah sim-tn̂g
予阮若是想起
hōo gún nā-sī siūnn-khí
哀怨心傷碎
ai-uàn sim siong-tshuì
啊~河邊春夢
ah~ hô-pinn tshun-bāng
永遠無回頭
íng-uán bô huê-thâu
