哥哥一封信
《哥哥一封信》Kó-koh Tsi̍t-hong Sìn
文夏Bûn-hā
——————————————
大家我無寫批
tāi-ke guá bô siá-phue
實在真歹勢
si̍t-tsāi tsin pháinn-sè
不過我嘛是平安
put-kò guá mā sī pîng-an
愈來愈勇健
jú-lâi-jú ióng-kiānn
入營了以來到今日
ji̍p-iânn liáu í-lâi kàu kim-ji̍t
變成了一个好男兒
piàn-sîng liáu tsi̍t-ê hó lâm-jî
希望會有一日
hi-bāng ē ū-tsi̍t-ji̍t
轉去予恁看
tńg-khì hōo lín khuànn
寒冷月光暗暝
hân-líng ge̍h-kng àm-mî
踮在兵營內
tiàm-tsāi ping-iânn lāi
站崗的彼个時陣
tsām-kang ê hit ê sî-tsūn
也是真快樂
iā-sī tsin khuài-lo̍k
四面是一片銀世界
sì-bīn sī tsi̍t-phìnn gîn sè-kài
看天星
khuànn thinn-tshinn
懷念故鄉時
huâi-liām kòo-hiong sî
苦勞也放袂記
khóo-lô iā pàng-bē-kì
快樂的暗暝
khuài-lo̍k ê àm-mî
班內有一位的
pan-lāi ū tsi̍t-uī ê
新兵的朋友
sin-ping ê pîng-iú
在軍中伊的表現
tsāi kun-tiong i ê piáu-hiān
予人會欽佩
hōo-lâng ē khim-phuè
昨日的訓練好成績
tsa-ji̍t ê hùn-liān hó sîng-tsik
拍銃的比賽提冠軍
phah-tshìng ê pí-sài the̍h kuan-kun
滿面是帶春風
muá-bīn sī tài tshun-hong
予人真羨慕
hōo-lâng tsin siān-bōo
兩年當兵期間
nn̄g-nî tang-ping kî-kan
算來無偌久
sǹg–lâi bô-guā-kú
退伍的彼一日
thè-ngóo ê hit-tsi̍t-ji̍t
也已經在目前
iā í-king tsāi ba̍k-tsîng
希望恁逐家免掛意
hi-bāng lín ta̍k-ke bián khuà-ì
爭取著功勞回故鄉
tsing-tshú tio̍h kong-lô huê kòo-hiong
請等待相會時
tshiánn tán-thāi siong-huē sî
可愛的阿母
khó-ài ê a-bú
