港都歡迎行船人
《港都歡迎行船人》Káng-too Huan-gîng Kiânn-tsûn-lâng
李雅芳Lí Ngá-hong
——————————————
穿一領白西裝
tshīng tsi̍t-niá pe̍h se-tsong
一个漂泊行船人
tsi̍t-ê phiau-po̍k kiânn-tsûn-lâng
踮在港邊行來行去
tiàm tsāi káng-pinn kiânn-lâi-kiânn-khì
你望佗一項
lí bāng tó tsi̍t-hāng
酒場的媠姑娘
tsiú-tiûnn ê suí koo-niû
若有對你情意重
nā ū tuì lí tsîng-ì tāng
趁青春
thàn tshing-tshun
趕緊去
kuánn-kín khì
毋通來心茫茫
m̄-thang lâi sim bâng-bâng
港都就是
káng-too tsiū-sī
恁的青春的希望
lín ê tshing-tshun ê hi-bāng
穿一領白西裝
tshīng tsi̍t-niá pe̍h se-tsong
彼个漂泊行船人
hit-ê phiau-po̍k kiânn-tsûn-lâng
溫柔海風
un-jiû hái-hong
吹來吹去
tshue-lâi-tshue-khì
伊是真知你輕重
i sī tsin tsai lí khin-tāng
甘蜜的薰酒味
kam-bi̍t ê hun-tsiú bī
音樂情調真輕鬆
im-ga̍k tsîng-tiāu tsin khin-sang
趁船隻入港邊
thàn tsûn-tsiah ji̍p káng-pinn
盡量來心跳弄
tsīn-liōng lâi sim thiàu-lāng
港都造成
káng-too tsō-sîng
恁的自由的希望
lín ê tsū-iû ê hi-bāng
穿一領白西裝
tshīng tsi̍t-niá pe̍h se-tsong
彼个漂泊行船人
hit-ê phiau-po̍k kiânn-tsûn-lâng
青紅燈影
tshinn-âng-ting iánn
閃來閃去
siám-lâi-siám-khì
一直引人心活動
it-ti̍t ín lâng sim ua̍h-tāng
可愛的紅薔薇
khó-ài ê âng tshiûnn-bî
清芳玫瑰在樓窗
tshing-phang muî-kuì tsāi lâu-thang
趁今夜來快樂
thàn kim-iā lâi khuài-lo̍k
放捒著心苦痛
pàng-sak tio̍h sim khóo-thàng
港都歡迎
káng-too huan-gîng
恁的快樂的希望
lín ê khuài-lo̍k ê hi-bāng
