佗一粒星是你
《佗一粒星是你》Tó Tsi̍t-lia̍p Tshinn Sī Lí
吳建達Ngôo Kiàn-ta̍t
孩子王樂團
——————————————
月光照著身邊的空位
gue̍h-kng tsiò tio̍h sin-pinn ê khàng-uī
車頂攏是寂寞的氣味
tshia-tíng lóng-sī tsi̍k-bo̍k ê khì-bī
窗外彼个熟悉的城市
thang-guā hit ê si̍k-sik ê siânn-tshī
過去閣?我踅一輾
kuè-khì koh tshuā guá se̍h tsi̍t-lìn
月光照著心中的稀微
gue̍h-kng tsiò tio̍h sim-tiong ê hi-bî
天頂佗一星才是你
thinn-tíng tó tsi̍t tshinn tsiah-sī lí
踅過一輾無你的暗暝
se̍h kuè tsi̍t-lìn bô lí ê àm-mî
賰我一个安慰著自己
tshun guá tsi̍t-ê an-uì tio̍h tsū-kí
車站一站一站
tshia-tsām tsi̍t-tsām-tsi̍t-tsām
慢慢仔過去
bān-bān-á kuè–khì
落車的人無閣再見
lo̍h-tshia ê lâng bô koh-tsài kìnn
純情的夢賰啥鬥陣
sûn-tsîng ê bāng tshun siánn tàu-tīn
風景一幕一幕
hong-kíng tsi̍t-bōo-tsi̍t-bōo
慢慢仔失去
bān-bān-á sit–khì
等到記持有形的時
tán-kàu kì-tî ū-hîng ê sî
攑頭你會踮佇佗位
gia̍h-thâu lí ē tiàm-tī tó-uī
—
翻頭已經攏袂赴市
huan-thâu í-king lóng buē-hù-tshī
