二十四
《二十四》Jī-tsa̍p Sì
吳建達Ngôo Kiàn-ta̍t
孩子王樂團
——————————————
佇二十四這冬
tī jī-tsa̍p-sì tsit tang
褲袋仔也是空空
khòo-tē-á iā-sī khang-khang
舊年生日願望
kū-nî senn-ji̍t guān-bāng
心內真濟的毋甘
sim-lāi tsin tsē ê m̄-kam
春夏過又到秋冬
tshun-hā kuè iū kàu tshiu-tang
阮閣咧四界探
gún koh teh sì-kè thàm
會曉的無半項
ē-hiáu–ê bô-puànn-hāng
已經有人做狀元
í-king ū-lâng tsuè tsiōng-guân
佇這二十幾冬
tī tsit jī-tsa̍p-kuí tang
掠袂牢的時間
lia̍h buē-tiâu ê sî-kan
今年生日願望
kin-nî senn-ji̍t guān-bāng
袂當後悔一世人
buē-tàng hiō-hué tsi̍t-sì-lâng
春夏過又到秋冬
tshun-hā kuè iū kàu tshiu-tang
該還的嘛還完
kai hîng–ê mā hîng uân
就算袂曉半項
tiō-sǹg bē-hiáu puànn-hāng
嘛欲繼續做眠夢
mā beh kè-sio̍k tsuè bîn-bāng
眠夢啊眠夢
bîn-bāng–ah bîn-bāng
阮攏袂怨嘆
gún lóng buē uàn-thàn
眠夢啊眠夢
bîn-bāng–ah bîn-bāng
阮攏歡喜甘願
gún lóng huann-hí kam-guān
這是阮欲行的路
tse sī gún beh kiânn ê lōo
毋管有偌濟阻擋
m̄-kuán ū guā-tsē tsóo-tòng
拳頭捏咧
kûn-thâu tēnn–leh
嘛愛一直向前衝
mā ài it-ti̍t hiòng-tsiân tshiong
這是阮欲行的路
tse sī gún beh kiânn ê lōo
毋管有偌濟痛苦
m̄-kuán ū guā-tsē thòng-khóo
喙根咬咧
tshuì-kin kā–leh
嘛愛一直向前衝
mā ài it-ti̍t hiòng-tsiân tshiong
—
有覺悟
ū kak-ngōo
著毋通閣再耽誤
tio̍h m̄-thang koh-tsài tam-gōo
勇敢行向決定的路
ióng-kám kiânn hiòng kuat-tīng ê lōo
