斷情的飛機
https://www.youtube.com/watch?v=E6mV-ZUtKhs
《斷情的飛機》Tn̄g-tsîng ê Hui-ki
邱蘭芬Khu Lân-hun
——————————————
一路送君情綿綿
tsi̍t-lōo sàng kun tsîng mî-mî
欲去坐飛機
beh khì tsē hui-ki
為欲深造有立志
uī-beh tshim-tsō ū li̍p-tsì
決意欲留美
kuat-ì beh liû-Bí
我的心內只有你
guá ê sim-lāi tsí-ū lí
請你毋通放袂記
tshiánn lí m̄-thang pàng-buē-kì
抱著滿腹酸苦味
phō tio̍h muá-pak sng-khóo-bī
未講喉就滇
buē kóng âu tsiū tīnn
期待你一路順序
kî-thāi lí tsi̍t-lōo sūn-sī
心內帶柔意
sim-lāi tài jiû-ì
裝著笑容送心愛
tsng tio̍h tshiò-iông sàng sim-ài
痛苦無人知
thòng-khóo bô-lâng tsai
雖然見面無幾擺
sui-jiân kìnn-bīn bô kuí-pái
深刻在心內
tshim-khik tsāi sim-lāi
無論三年抑兩載
bô-lūn sann-nî ia̍h nn̄g-tsài
決定欲等你轉來
kuat-tīng beh tán lí tńg–lâi
抱著真大的希望
phō tio̍h tsin tuā ê hi-bāng
咱欲分東西
lán beh hun tang-sai
期待你早日成功
kî-thāi lí tsá-ji̍t sîng-kong
再會啦心愛
tsài-huē–lah sim-ài
看伊飛機已經開
khuànn i hui-ki í-king khui
情綿目睭微
tsîng mî ba̍k-tsiu bui
頭眩目暗心欲碎
thâu-hîn ba̍k-àm sim beh tshuì
流出傷心淚
lâu-tshut siong-sim luī
只有搖手吐大氣
tsí-ū iô-tshiú thóo-tuā-khuì
真情欲講袂出喙
tsin-tsîng beh kóng buē tshut-tshuì
抱著滿腹的悲意
phō tio̍h muá-pak ê pi-ì
哭甲喙開開
khàu kah tshuì khui-khui
期待你得到地位
kî-thāi lí tit kàu tē-uī
緊轉來相隨
kín tńg-lâi sio-suî
