夢中吻
《夢中吻》Bāng-tiong Bún
玟靈Bûn-lîng
——————————————
跤步行到門邊
kha-pōo kiânn kàu mn̂g-pinn
我的心毋甘離開
guá ê sim m̄-kam lī-khui
無出聲來叫醒你
bô tshut-siann lâi kiò-tshínn lí
是毋知怎樣相辭
sī m̄-tsai tsuánn-iūnn sio-sî
飄浪的兩粒流星
phiau-lōng ê nn̄g-lia̍p liû-tshinn
相逢在毋著時
siong-hông tsāi m̄-tio̍h sî
一段美麗
tsi̍t-tuānn bí-lē
予人會心碎的日子
hōo-lâng ē sim tshuì ê ji̍t-tsí
希望你精神的時
hi-bāng lí tsing-sîn ê sî
猶原懷念咱的情
iu-guân huâi-liām lán ê tsîng
愛的批信無半字
ài ê phue-sìn bô puànn-jī
千言萬語講袂盡
tshian-giân bān-gí kóng buē-tsīn
無電話無住址
bô tiān-uē bô tsū-tsí
約束的話
iok-sok ê uē
遠佇天邊
hn̄g tī thinn-pinn
毋敢期待後會有期
m̄-kánn kî-thāi hiō-huē iú-kî
我在夢中等待你
guá tsāi bāng-tiong tán-thāi lí
成功轉來阮身邊
sîng-kong tńg-lâi gún sin-pinn
兩人有緣再相見
nn̄g-lâng ū-iân tsài sio-kìnn
希望保重你自己
hi-bāng pó-tiōng lí tsū-kí
—
是我最美麗的記持
sī guá tsuè bí-lē ê kì-tî
