伴愛過一生
《伴愛過一生》Phuānn Ài Kuè It-sing
玟靈Bûn-lîng
——————————————
往事的記持
óng-sū ê kì-tî
深深一段情
tshim-tshim tsi̍t-tuānn tsîng
感謝昔日愛的扶持
kám-siā sik-ji̍t ài ê hû-tshî
茫茫世間情
bâng-bâng sè-kan tsîng
起落看分明
khí-lo̍h khuànn hun-bîng
兩人依倚的心境
nn̄g-lâng i-uá ê sim-kíng
怎樣誤解拆分離
tsuánn-iūnn gōo-kái thiah hun-lî
只賰一對鴛鴦的稀微
tsí tshun tsi̍t-tuì uan-iunn ê hi-bî
我是疼疼疼
guá sī thiànn thiànn thiànn
疼你若性命
thiànn lí ná sìnn-miā
我是愛愛愛
guá sī ài ài ài
愛你到永遠
ài lí kàu íng-uán
無人會當代替你的愛
bô-lâng ē-tàng tāi-thè lí ê ài
無人會當代替你的人
bô-lâng ē-tàng tāi-thè lí ê lâng
雖然是夢中的情話
sui-jiân sī bāng-tiong ê tsîng-uē
也是等待轉來團圓
iā-sī tán-thāi tńg-lâi thuân-înn
只有虔心求問天
tsí-ū khiân-sim kiû-mn̄g thinn
會當伴愛過一生
ē-tàng phuānn ài kuè it-sing
