春滿夜都市
https://www.youtube.com/watch?v=EeY5Jgm1Ll4
《春滿夜都市》Tshun Buán Iā Too-tshī
張淑美Tiunn Siok-bí
——————————————
春色迷人夜都市
tshun-sik bê-lâng iā too-tshī
滿街燈火紅又青
muá-kue ting-hé âng iū tshinn
一位姑娘嬌滴滴
tsi̍t-uī koo-niû kiau-tih-tih
踮在街頂笑微微
tiàm-tsāi kue-tíng tshiò bî-bî
行來又行去
kiânn-lâi iū kiânn-khì
一定等待
it-tīng tán-thāi
心愛的人欲來相見
sim-ài ê lâng beh lâi sann-kìnn
想起啥物
siūnn-khí siánn-mih
頭殼激敧敧
thâu-khak kik khi-khi
對面酒家樓窗邊
tuì-bīn tsiú-ka lâu-thang pinn
一對男女情綿綿
tsi̍t-tuì lâm-lú tsîng mî-mî
你有愛我我愛你
lí ū ài guá guá ài lí
談情說愛笑嘻嘻
tâm-tsîng sueh-ài tshiò hi-hi
實在真趣味
si̍t-tsāi tsin tshù-bī
酒杯捀起
tsiú-pue phâng khí
一人一喙
tsi̍t-lâng tsi̍t-tshuì
欲來表示
beh lâi piáu-sī
雙人熱意
siang-lâng jia̍t-ì
宛然飛衝天
uán-jiân pe tshiong thinn
看見舞廳大門邊
khuànn-kìnn bú-thiann tuā-mn̂g pinn
霓虹閃爍真稀奇
nê-ông siám-sih tsin hi-kî
一台汽車真標緻
tsi̍t-tâi khì-tshia tsin piau-tì
吐出一對好伴侶
thòo tshut tsi̍t-tuì hó phuānn-lī
毋甘來分離
m̄-kam lâi hun-lî
雙人甜蜜
siang-lâng tinn-bi̍t
你來牽我
lí lâi khan guá
我來牽你
guá lâi khan lí
眉來眼去
bî lâi gán khì
糖甘又蜜甜
thn̂g-kam iū bi̍t-tinn
