愛情河
https://www.youtube.com/watch?v=vqPOjrZKOSY
《愛情河》Ài-tsîng Hô
張素綾Tiunn Sòo-lîng
——————————————
過來過去一條河
kè-lâi-kè-khì tsi̍t-tiâu hô
靠阮一隻船
khò gún tsi̍t-tsiah tsûn
今日欲來載郎君
kim-ji̍t beh lâi tsài lông-kun
阮點著紅喙脣
gún tiám tio̍h âng tshuì-tûn
為著伊出外去
uī-tio̍h i tshut-guā khì
暝日心憂悶
mî-ji̍t sim iu-būn
到今日
kàu kim-ji̍t
才心頭清
tsiah sim-thâu tshing
像天無罩烏雲
tshiūnn thinn bô tà oo-hûn
過來過去一條河
kè-lâi-kè-khì tsi̍t-tiâu hô
撐渡過日子
the-tōo kè-ji̍t-tsí
若無為著等郎君
nā bô uī-tio̍h tán lông-kun
阮哪著誤春期
gún ná-tio̍h gōo tshun-kî
批信也寫明明
phue-sìn iā siá bîng-bîng
早日轉鄉里
tsá-ji̍t tńg hiunn-lí
叫阮著來渡船頭
kiò gún tio̍h lâi tōo-tsûn-thâu
載著伊的行李
tsài tio̍h i ê hîng-lí
過來過去一條河
kè-lâi-kè-khì tsi̍t-tiâu hô
人客請原諒
lâng-kheh tshiánn guân-liōng
今日欲來載郎君
kim-ji̍t beh lâi tsài lông-kun
請予阮來參詳
tshiánn hōo gún lâi tsham-siông
心愛的交代話
sim-ài–ê kau-tài uē
阮總愛順從
gún tsóng ài sūn-tsiông
人客也知阮心肝
lâng-kheh iā tsai gún sim-kuann
對阮來現笑容
tuì gún lâi hiàn tshiò-iông
人客也知阮心肝
lâng-kheh iā tsai gún sim-kuann
對阮來現笑容
tuì gún lâi hiàn tshiò-iông
