寂寞的小姑娘
《寂寞的小姑娘》Tsi̍k-bo̍k ê Sió-koo-niû
郭金發Kueh Kim-huat
——————————————
一位姑娘今夜
tsi̍t-uī koo-niû kim-iā
又踮在運河邊
iū tiàm-tsāi ūn-hô pinn
唱著彼條
tshiùnn tio̍h hit tiâu
引起人悲哀的歌詩
ín-khí lâng pi-ai ê kua-si
伊到底
i tàu-tué
有啥物傷心的代誌
ū siánn-mih siong-sim ê tāi-tsì
月娘也心憂悶
ge̍h-niû iā sim iu-būn
頭殼架敧敧
thâu-khak kè khi-khi
我一人
guá tsi̍t-lâng
猶原感覺真稀奇
iu-guân kám-kak tsin hi-kî
規暝來對伊心綿綿
kui-mî lâi tuì i sim mî-mî
一對目睭真美妙
tsi̍t-tuì ba̍k-tsiu tsin bí-miāu
含帶著情意
hâm-tài tio̍h tsîng-ì
因何時常露出著
in-hô sî-siông lōo tshut tio̍h
閃爍珠淚滴
siám-sih tsu-luī tih
看起來當青春
khuànn–khí-lâi tng tshing-tshun
可愛的花枝
khó-ài ê hue-ki
秋蟲聲吱吱叫
tshiu-thâng siann ki-ki-kiò
寂寞的深更
tsi̍k-bo̍k ê tshim-kinn
伊一人
i tsi̍t-lâng
怎樣毋驚心稀微
tsuánn-iūnn m̄-kiann sim hi-bî
引起阮看甲暗驚疑
ín-khí gún khuànn kah àm kiann-gî
這粒天星光閃爍
tsit lia̍p thinn-tshinn kng siám-sih
流對彼爿去
lâu tuì hit-pîng khì
彼个姑娘開聲來
hit ê koo-niû khui-siann lâi
叫著人名字
kiò tio̍h lâng miâ-jī
啥物人就是
siánn-mih lâng tsiū-sī
伊心愛的伴侶
i sim-ài ê phuānn-lī
可恨的薄情郎
khó-hūn ê po̍k-tsîng-lông
海角抑天邊
hái-kak ia̍h thinn-pinn
為啥物
uī-siánn-mih
無來姑娘的身邊
bô lâi koo-niû ê sin-pinn
規暝來替伊心哀悲
kui-mî lâi thuè i sim ai-pi
