黃昏思情
《黃昏思情》Hông-hun Su Tsîng
劉福助Lâu Hok-tsōo
——————————————
秋風吹秋葉
tshiu-hong tshue tshiu-hio̍h
鳥隻啾啾叫
tsiáu-tsiah tsiú tsiú kiò
日落黃昏後
ji̍t-lo̍h hông-hun āu
孤單在橋頭
koo-tuann tsāi kiô-thâu
看著水流
khuànn-tio̍h tsuí-lâu
心肝亂操操
sim-kuann luān-tshau-tshau
怨嘆心愛的人
uàn-thàn sim-ài ê lâng
半絲情份伊也無留
puànn-si tsîng-hūn i iā bô lâu
一年經過又一年
tsi̍t-nî king-kuè iū tsi̍t-nî
放阮一直等候
pàng gún it-ti̍t tán-hāu
月娘浮上山
gue̍h-niû phû-tsiūnn suann
暗風陣陣寒
àm hong tsūn-tsūn kuânn
冷淡橋頭岸
líng-tām kiô-thâu huānn
簫聲動心肝
siau-siann tōng sim-kuann
想起你我初戀的情歌
siūnn-khí lí guá tshoo-luân ê tsîng-kua
怨嘆心愛的人
uàn-thàn sim-ài ê lâng
怎樣放阮心曲空彈
tsuánn-iūnn pàng gún sim-khik khang tuânn
一年經過又一年
tsi̍t-nî king-kuè iū tsi̍t-nî
耽誤昔日情伴
tânn gōo sik-ji̍t tsîng-phuānn
