阿爸的西門町
《阿爸的西門町》A-pah ê Se-mn̂g-ting
楊宗憲Iûnn Tsong-hiàn
——————————————
阿爸講伊真思念
a-pah kóng i tsin su-liām
臺北的西門町
Tâi-pak ê Se-mn̂g-ting
透早伊愛去聽火車聲
thàu-tsá i ài khì thiann hué-tshia siann
下晡去看電影
ē-poo khì khuànn tiān-iánn
少年青春的美夢
siàu-liân tshing-tshun ê bí-bāng
五花十色
ngóo-hue tsa̍p-sik
藏佇小街巷
tshàng tī sió ke-hāng
伊講佮以早無相仝
i kóng kah í-tsá bô sio-kāng
雨水嘛無遮重
hōo-tsuí mā bô tsiah tāng
想起當初
siūnn-khí tong-tshoo
鬧熱西門町
lāu-jia̍t Se-mn̂g-ting
各行各業真認真
kok-hâng-kok-gia̍p tsin jīn-tsin
南北二路來競爭
lâm-pak jī-lōo lâi kīng-tsing
頭家顧客有人情
thâu-ke kòo-kheh ū jîn-tsîng
人人生活
lâng-lâng sing-ua̍h
充滿希望
tshiong-buán hi-bāng
五花十色
ngóo-hue tsa̍p-sik
?佇小街巷
kheh tī sió ke-hāng
伊講佮以早無相仝
i kóng kah í-tsá bô sio-kāng
朋友嘛無遮忙
pîng-iú mā bô tsiah bâng
—
阿爸的西門町
a-pah ê Se-mn̂g-ting
阿爸的西門町
a-pah ê Se-mn̂g-ting
火車囥落塗跤底
hué-tshia khǹg lo̍h thôo-kha-té
街路平靜
ke-lōo pîng-tsīng
揣無以前
tshuē-bô í-tsîng
阿爸的西門町
a-pah ê Se-mn̂g-ting
