目屎拭予焦
《目屎拭予焦》Ba̍k-sái Tshit Hōo Ta
潘芳烈Phuann Hong-lia̍t
——————————————
冷冷的風
líng-líng ê hong
吹踮我的胸前
tshue tiàm guá ê hing-tsîng
親像咧叫我
tshin-tshiūnn teh kiò guá
毋通閣再向前行
m̄-thang koh-tsài hiòng-tsiân hîng
攑頭問天
gia̍h-thâu mn̄g thinn
到底我做啥物僥倖
tàu-té guá tsò siánn-mih hiau-hīng
你欲對我遮酷刑
lí beh tuì guá tsiah khok-hîng
阿母仔望我成功
a-bú–á bāng guá sîng-kong
我煞予伊失望
guá suah hōo i sit-bōng
愛人仔望我疼惜
ài-jîn-á bāng guá thiànn-sioh
我煞來四界走傱
guá suah lâi sì-kè tsáu-tsông
啊~毋願相信
ah~ m̄-guān siong-sìn
這就是我的命
tse tiō-sī guá ê miā
一時糊塗來錯誤
tsi̍t-sî hôo-tôo lâi tshò-ngōo
我也已經有覺悟
guá iā í-king ū kak-ngōo
啊~雙跤跪塗跤
ah~ siang-kha kuī thôo-kha
咒誓我欲贏
tsiù-tsuā guá beh iânn
我是查埔囝
guá sī tsa-poo-kiánn
目屎拭予焦
ba̍k-sái tshit hōo ta
較艱苦嘛愛拚
khah kan-khóo mā ài piànn
