想著臺中港
《想著臺中港》Siūnn-tio̍h Tâi-tiong-káng
劉燕燕Lâu Iàn-iàn (玲華Lîng-huâ)
——————————————
黃昏時
hông-hun sî
坐在海邊
tsē tsāi hái-pinn
看著海鳥
khuànn-tio̍h hái-tsiáu
飛來又飛去
pue-lâi iū pue-khì
想著細漢彼時
siūnn-tio̍h suè-hàn hit-sî
彼當時踮在海邊
hit-tong-sî tiàm-tsāi hái-pinn
每日送著爸爸去掠魚
muí-ji̍t sàng tio̍h pá-pah khì lia̍h-hî
彼陣猶原黃昏時
hit-tsūn iu-guân hông-hun sî
如今過數年
jû-kim kuè sòo-nî
歡喜啊笑微微
huann-hí–ah tshiò bî-bî
故鄉已經是
kòo-hiong í-king sī
繁華的都市
huân-huâ ê too-tshī
人人都稱讚
lâng-lâng to tshing-tsán
臺中港有名氣
Tâi-tiong-káng ū miâ-khì
毋通來
m̄-thang lâi
袂記建設的代誌
buē-kì kiàn-siat ê tāi-tsì
感謝政府為民求福利
kám-siā tsìng-hú uî bîn kiû hok-lī
大家過著好日子
tāi-ke kuè tio̍h hó ji̍t-tsí
