孤戀的人生
《孤戀的人生》Koo-luân ê Jîn-sing
黃瑞琪N̂g Suī-kî
——————————————
半夜孤單秋風冷
puànn-iā koo-tuann tshiu-hong líng
露水滴窗前
lōo-tsuí tih thang-tsîng
空思妄想一片情
khang-su bōng-sióng it-phiàn tsîng
啥人知阮心性
siánn-lâng tsai gún sim-sìng
真愛毋敢來表明
tsin-ài m̄-kánn lâi piáu-bîng
恐驚失前程
khióng-kiann sit tsiân-tîng
啊~暗淡的人生
ah~ àm-tām ê jîn-sing
斜月微微照山崙
tshiâ-ge̍h bî-bî tsiò suann-lūn
目屎準飯吞
ba̍k-sái tsún pn̄g thun
遙遠批信來催阮
iâu-uán phue-sìn lâi tshui gún
心肝紡車輪
sim-kuann pháng tshia-lûn
傷心淚滴
siong-sim luī tih
跤手軟
kha-tshiú nńg
心情亂紛紛
sim-tsîng luān hun-hun
啊~心情亂紛紛
ah~ sim-tsîng luān hun-hun
風雨橋邊無言語
hong-ú-kiô pinn bô giân-gí
變成空情侶
piàn-sîng khang tsîng-lī
小雨毛毛替伊悲
sió-hōo mn̂g-mn̂g thuè i pi
空情捨袂離
khang-tsîng siá buē-lī
真情想欲共講起
tsin-tsîng siūnn-bueh kā kóng-khí
心肝帶驚疑
sim-kuann tài kiann-gî
啊~孤戀情難離
ah~ koo-luân tsîng lân lî
