天頂的月娘
《天頂的月娘》Thinn-tíng ê Gue̍h-niû
潘芳烈Phuann Hong-lia̍t
——————————————
是毋是頂世人
sī-m̄-sī tíng-sì-lâng
欠你的感情債
khiàm lí ê kám-tsîng-tsè
這世人
tsit-sì-lâng
欲用青春提來賠
beh īng tshing-tshun the̍h lâi puê
你的心遐爾冷
lí ê sim hiah-nī líng
你的愛遐爾冰
lí ê ài hiah-nī ping
這世間有啥人
tse sè-kan ū siánn-lâng
親像我遮痴情
tshin-tshiūnn guá tsiah tshi-tsîng
一暝一暝的相思
tsi̍t-mî-tsi̍t-mî ê siunn-si
浮浮沉沉放袂離
phû-phû-tîm-tîm pàng buē-lī
一擺一擺攑頭看
tsi̍t-pái-tsi̍t-pái gia̍h-thâu khuànn
流星哪會遮無伴
liû-tshinn ná ē tsiah bô-phuānn
天頂的月娘啊
thinn-tíng ê gue̍h-niû–ah
你敢有咧看
lí kám ū teh khuànn
看阮的心肝啊
khuànn gún ê sim-kuann–ah
為何咧作疼
uī-hô teh tsoh-thiànn
天頂的月娘啊
thinn-tíng ê gue̍h-niû–ah
我輕輕叫一聲
guá khin-khin kiò tsi̍t-siann
望伊會知影啊
bāng i ē tsai-iánn–ah
毋通予我孤單
m̄-thang hōo guá koo-tuann
