土地公聖歌
《土地公聖歌》Thóo-tī-kong Sìng-kua
劉福助Lâu Hok-tsōo
——————————————
倒手元寶財
tò-tshiú guân-pó tsâi
正手一枝拐
tsiànn-tshiú tsi̍t-ki kuái
烏喙鬚白目眉
oo tshuì-tshiu pe̍h ba̍k-bâi
笑咍咍笑咍咍
tshiò-hai-hai tshiò-hai-hai
逐工攏笑咍咍
ta̍k-kang lóng tshiò-hai-hai
巡田頭顧田尾
sûn tshân-thâu kòo tshân-bué
問過去知未來
mn̄g kuè-khì tsai bī-lâi
男有福女有緣
lâm ū hok lú ū iân
問婚姻我安排
mn̄g hun-in guá an-pâi
山川后土蔭萬代
san-tshuan hiō-thóo ìm bān-tāi
天下俗事我化解
thian-hā sio̍k-sū guá huà-kái
福德濟世眾人知
hok-tik tsè-sè tsiòng-lâng tsai
正神渡化陰陽界
tsìng-sîn tōo-huà im-iông-kài
風調雨順好運來
hong tiâu ú sūn hó-ūn lâi
五穀豐收賜萬財
ngóo-kok hong-siu sù bān-tsâi
一杯酒三欉香
tsi̍t-pue tsiú sann-tsâng hiunn
土地公伯笑咍咍
Thóo-tī-kong-peh tshiò-hai-hai
笑咍咍笑咍咍
tshiò-hai-hai tshiò-hai-hai
土地公伯笑咍咍
Thóo-tī-kong-peh tshiò-hai-hai
↓↓(口白)—(口白)↓↓
有來燒香
ū lâi sio-hiunn
我有保庇
guá ū pó-pì
有來遮坐
ū lâi tsia tsē
你會行氣
lí ē kiânn-khì
問我蹛佗位
mn̄g guá tuà tó-uī
啊恁兜的厝邊
ah lín tau ê tshù-pinn
有桮免歡喜
ū pue bián huann-hí
啊無桮莫受氣
ah bô pue mài siūnn-khì
問我做生理
mn̄g guá tsò-sing-lí
嘿錢財滿畚箕
heh tsînn-tsâi muá pùn-ki
嘿歡喜過日子
heh huann-hí kuè ji̍t-tsí
啊平安閣福氣
pîng-an koh hok-khì
有燒香有保庇
ū sio-hiunn ū pó-pì
