因為了解
https://www.youtube.com/watch?v=mUtNciVq7SE
《因為了解》In-uī Liáu-kái
蔡小虎Tshuà Sió-hóo
——————————————
我了解你的心內
guá liáu-kái lí ê sim-lāi
我了解你的心內
guá liáu-kái lí ê sim-lāi
已經漸漸無自在
í-king tsiām-tsiām bô tsū-tsāi
雖然你笑容原在
sui-jiân lí tshiò-iông guân-tsāi
猶原來對阮關懷
iáu guân-lâi tuì gún kuan-huâi
但是我已經了解
tān-sī guá í-king liáu-kái
你敢知我的心內
lí kám tsai guá ê sim-lāi
你敢知我的心內
lí kám tsai guá ê sim-lāi
親像日頭沉落海
tshin-tshiūnn ji̍t-thâu tîm lo̍h-hái
想過去到現在
siūnn kuè-khì kàu hiān-tsāi
如今來對阮攤牌
jû-kim lâi tuì gún than-pâi
敢是你故意咧安排
kám-sī lí kòo-ì teh an-pâi
過去的已經過去
kuè-khì–ê í-king kuè–khì
閣再提起為啥代
koh-tsài thê-khí uī siánn tāi
尤其是因為看破
iû-kî sī in-uī khuànn-phuà
才來分東西
tsiah lâi hun tang-sai
好來好去
hó-lâi-hó-khì
毋免閣枉費目屎
m̄-bián koh óng-huì ba̍k-sái
過去的已經過去
kuè-khì–ê í-king kuè–khì
閣再提起為啥代
koh-tsài thê-khí uī siánn tāi
尤其是因為看破
iû-kî sī in-uī khuànn-phuà
才來分東西
tsiah lâi hun tang-sai
好來好去
hó-lâi-hó-khì
因為因為了解
in-uī in-uī liáu-kái
