勸世歌
《勸世歌》Khuàn-sè-kua
劉燕燕Lâu Iàn-iàn
——————————————
踮在哪世間
tiàm-tsāi–nah sè-kan
啊哩嘟是海海喔
ah-lih-toh sī hái-hái–ooh
好歹總是天安排喔
hó-pháinn tsóng–sī thinn an-pâi–ooh
做人毋通
tsuè-lâng m̄-thang
啊哩嘟亂亂來喔
ah-lih-toh luān-luān-lâi–ooh
愛慕虛榮不應該喔
ài-bōo hi-îng put-ing-kai–ooh
看人哪有錢
khuànn-lâng–nah ū-tsînn
啊哩嘟免怨嘆喔
ah-lih-toh bián uàn-thàn–ooh
為著哪生活
uī-tio̍h–nah sing-ua̍h
著愛趁喔
tio̍h-ài thàn–ooh
加減收入
ke-kiám siu-ji̍p
啊哩嘟較袂散喔
ah-lih-toh khah buē sàn–ooh
毋通做彼號貧惰人喔
m̄-thang tsuè hit-lō pîn-tuānn-lâng–ooh
啉酒來逍遙
lim-tsiú lâi siau-iâu
啊哩嘟人人愛喔
ah-lih-toh lâng-lâng ài–ooh
毋通哪為酒
m̄-thang–nah uī tsiú
來失敗喔
lâi sit-pāi–ooh
風流查某
hong-liû tsa-bóo
啊哩嘟最厲害喔
ah-lih-toh tsuè lī-hāi–ooh
千萬毋通亂亂愛喔
tshian-bān m̄-thang luān-luān ài–ooh
毋通哪失戀
m̄-thang–nah sit-luân
啊哩嘟來？？喔
ah-lih-toh lâi ??—ooh
提出著勇氣
thê-tshut tio̍h ióng-khì
來拍拚喔
lâi phah-piànn–ooh
毋免較苦
m̄-bián khah khóo
啊哩嘟求親情喔
ah-lih-toh kiû tshin-tsiânn–ooh
姻緣總是天註定喔
in-iân tsóng–sī thinn tsù-tiānn–ooh
朋友哪做陣
pîng-iú–nah tsuè-tīn
啊哩嘟免計較喔
ah-lih-toh bián kè-kàu–ooh
互相來幫助
hōo-siong lâi pang-tsōo
做予伊到喔
tsuè hōo i kàu–ooh
希望逐家
hi-bāng ta̍k-ke
啊哩嘟好日後喔
ah-lih-toh hó ji̍t-āu–ooh
永遠永遠好到老喔
íng-uán-íng-uán hó kàu lāu–ooh
父母哪疼囝
hū-bió–nah thiànn kiánn
啊哩嘟是天性喔
ah-lih-toh sī thian-sìng–ooh
翁某哪和好
ang-bóo–nah hô-hó
相同情喔
sio tông-tsîng–ooh
兄弟冤家
hiann-tī uan-ke
啊哩嘟無路用喔
ah-lih-toh bô-lōo-īng–ooh
家庭和氣萬事成喔
ka-tîng hô-khì bān-sū sîng–ooh
