鹹酸甜
《鹹酸甜》Kiâm-sng-tinn
龍千玉Liông Tshian-gio̍k
——————————————
心事規大堆
sim-sū kui tuā tui
揣無擲掉的鎖匙
tshē-bô tàn-tiāu ê só-sî
只有摻著咖啡吞落喙
tsí-ū tsham tio̍h ka-pi thun lo̍h tshuì
無需要陪伴苦澀的日子
bô su-iàu puê-phuānn khóo-siap ê ji̍t-tsí
心情放予開
sim-tsîng pàng hōo khui
就知快樂對佗去
tiō tsai khuài-lo̍k tuì toh khì
一路吹著自由的空氣
tsi̍t-lōo tshui tio̍h tsū-iû ê khong-khì
就毋驚愛用悲傷來喘氣
tiō m̄-kiann ài iōng pi-siong lâi tshuán-khuì
阮的青春阮會愛自己
gún ê tshing-tshun gún ē ài tsū-kí
無論是鹹酸甜
bô-lūn sī kiâm-sng-tinn
抑是汗水滴
ia̍h-sī kuānn-tsuí tih
攏是人生
lóng-sī jîn-sing
需要食過的滋味
su-iàu tsia̍h kuè ê tsu-bī
酸甘甜仔酸甘甜
sng-kam-tinn-á sng-kam-tinn
風微微啊草青青
hong bî-bî–ah tsháu tshinn-tshinn
親像總是逢春四季天
tshin-tshiūnn tsóng-sī hông tshun sù-kuì thinn
無論是花園內
bô-lūn sī hue-hn̂g lāi
抑是水溝仔邊
ia̍h-sī tsuí-kau-á pinn
攏有花開花謝的日子
lóng ū hue khui hue siā ê ji̍t-tsí
酸甘甜仔酸甘甜
sng-kam-tinn-á sng-kam-tinn
月稀微啊星稀微
gue̍h hi-bî–ah tshinn hi-bî
就算滿天的雪花也綿綿
tiō sǹg muá-thinn ê suat-hua iā mî-mî
阮的人生阮會愛家己
gún ê jîn-sing gún ē ài tsū-kí
