跳赤赤
《跳赤赤》Thiàu Tshiah-tshiah
龍千玉Liông Tshian-gio̍k
——————————————
人生好親像一齣戲
jîn-sing hó-tshin-tshiūnn tsi̍t-tshut hì
悲歡離合
pi-huan lî-ha̍p
也無啥物
iā bô-siánn-mih
山盟海誓
san-bîng hái-sè
情話綿綿
tsîng-uē mî-mî
袂當無你
buē-tàng bô lí
敢按呢
kám án-ni
傷心講起來已過時
siong-sim kóng–khí-lâi í kuè-sî
目屎不過是一種水
ba̍k-sái put-kò sī tsi̍t-tsióng tsuí
恩恩怨怨就予過去
un-un-uàn-uàn tiō hōo kuè–khì
整理一切
tsíng-lí it-tshè
看予開較規氣
khuànn hōo khui khah kui-khì
心情䆀
sim-tsîng bái
來跳赤赤
lâi thiàu tshiah-tshiah
雖然看人成對成雙
sui-jiân khuànn-lâng sîng-tuì sîng-siang
只要咱的心快活
tsí-iàu lán ê sim khuìnn-ua̍h
何必閣去欣羨別人
hô-pit koh khì him-siān pa̍t-lâng
快快樂樂
khuài-khuài-lo̍k-lo̍k
跳赤赤
thiàu tshiah-tshiah
跤步自然踏著輕鬆
kha-pōo tsū-jiân ta̍h tio̍h khin-sang
小小失敗毋免煩
sió-sió sit-pāi m̄-bián huân
命運本來人人無仝
miā-ūn pún-lâi lâng-lâng bô-kāng
