誤會
https://www.youtube.com/watch?v=_3EJBoHP15w
《誤會》Gōo-huē
龍千玉Liông Tshian-gio̍k
——————————————
一个愛過的人
tsi̍t-ê ài kuè ê lâng
對我身邊過
tuì guá sin-pinn kuè
彼段感情
hit tuānn kám-tsîng
已經親像風飛
í-king tshin-tshiūnn hong pue
愛你的心
ài lí ê sim
漸漸漸漸落雪
tsiām-tsiām tsiām-tsiām lo̍h-seh
有見面
ū kìnn-bīn
無見面
bô kìnn-bīn
無啥關係
bô-siánn kuan-hē
當初你遐堅定
tong-tshoo lí hiah kian-tīng
永遠欲做伙
íng-uán beh tsuè-hué
我也相信你每一句話
guá iā siong-sìn lí muí tsi̍t-kù uē
我的世界只有你
guá ê sè-kài tsí-ū lí
只有你一个
tsí-ū lí tsi̍t-ê
也希望你
iā hi-bāng lí
永遠我的
íng-uán guá ê
愛情最後的決定
ài-tsîng tsuè-āu ê kuat-tīng
才知咱的差別遮濟
tsiah tsai lán ê tsha-pia̍t tsiah tsuē
雙人感情付出太死心
siang-lâng kám-tsîng hù-tshut thài sí-sim
最後變成一場誤會
tsuè-āu piàn-sîng tsi̍t-tiûnn gōo-huē
悲歡離合的人生
pi-huan lî-ha̍p ê jîn-sing
並無後悔我愛過你
pīng bô hiō-hué guá ài kuè lí
只有遺憾你我彼一時
tsí-ū uî-hām lí guá hit-tsi̍t-sî
心甘情願一直付出
sim kam tsîng guān it-ti̍t hù-tshut
變成誤會
piàn-sîng gōo-huē
